Қорақалпоғистон Ички ишлар вазирлигида жамоат тартибини сақлаш ва ҳуқуқбузарликларнинг олдини олиш, пост-патруль хизмати ходимларига хизмат машиналарини топширишга бағишланган маросим бўлиб ўтди. Бу ҳақда Республика Вазирлар кенгаши ахборот хизмати хабар бермоқда.

Тадбирда аҳолининг тинч ва осуда ҳаётини таъминлаш, жиноятчилик ва ҳуқуқбузарликларнинг олдини олишда жонбозлик кўрсатаётган ички ишлар идоралари учун барча қулай шарт-шароитлар яратилаётгани таъкидланди.

Тинчлик посбонларига яратилаётган бундай кенг имкониятлар туфайли аҳоли орасида жиноятчилик ва ҳуқуқбузарликка қарши кураш, йўл ҳаракати хавфсизлигини таъминлаш борасида салмоқли натижаларга эришилмоқда, деб ёзади ВК ахборот хизмати.

Бундай имкониятларни янада кенгайтириш мақсадида Қорақалпоғистон ИИВ тасарруфидаги хизмат бўлимларига Ўзбекистонда ишлаб чиқарилган Captiva, Lacetti ва Nexia русумли 18 дона хизмат машинаси топширилди.