Момом менга ёпиб берган «бичак»ларни,

Бобом айтган ўшал ростгўй чўпчакларни

Соғиндим мен oвулимдаги чечакларни.

Осмонўпар ўша баланд тоғларини,

Қирмиз олма, аччиқ олма боғларини,

Булбул, какку ҳатто чумчуқ, зоғларини

Соғинганман Конимехни соғинганман!

Қизғалдоқлар ўсган лойли томларини,

Хазонрезги куннинг сахар шомларини,

Ҳар  бир адир ҳар бир кўча номларини

Соғинганман oвулимни соғинганман!

Дилим қўмсар қишлоқи қиз орларини,

Кетма деган ул йигитнинг зорларини,

Шаҳарда йўқ, қишлоқдаги «борлари»ни

Соғинганман Конимехни соғинганман!!..